Manuela Köster is berne op 11 july 1969 yn Dokkum. Hja is it ienlingsbern fan in Fryske mem en in Dútske heit. It grutste part fan har libben hat hja yn Burgum wenne, oant de leafde har úteinlik nei Gordyk brocht. <br>Berne mei in komplissearre hertôfwiking hat it libben foar har syn beheiningen. It skriuwen stelt har yn steat dit te kompensearjen en, yn alle gefallen op papier, it ûnmooglike mooglik te meitsjen. <br>Eartiids lei har ynteresse by de Science Fiction. Tsjintwurdich giet dy út nei misdiedferhalen. Earder binne fan har trije ferhalen útjûn yn ferskate ferhalebondels. <br>Te witten: <br>De Sinnemoarden yn: 20 Simmerferhalen – 2000. <br>De Mediamoarden yn: 21 Nije Fryske winterferhalen – 2001. <br>Gifslang yn it paradys yn: De Riedsels fan it hert – 2003. <br>Yn 2009 ferskynde har earste roman, Tantalus, yn 2013 it ferfolch dêrop: Tantalus II: Learjild