Een Fischkopp in Noorditalien Eerst Furtsettung De Landwurster Buttje un de Bundeswehr

Noh mien Lehrtied bi de Bunnesbohn – mit keen Utsicht opp een gauet Vörwech-komn – harr ick mi doch fix mustern loten un de Major in de General-Wever-Kaseern in Hannover hett üns ledsn veer vun öbers veerhunnert denn verkloort, datt wi qualifizeert weirn för de Utbillung bi de Fleigers !! Ick heff em eers gornich verstohn, as ick doch blots tau de Fallschirmjogers wullt, üm Vadders tau bewiesen, datt sien Söhn ook een beten Mumm inne Knoken hett ! Obers de Major hett datt nu mol sau utkeken un nu schull de Bunneswehr mool mokn !! As eerst sünd wi denn mitn „Persilkartun“ an tweeten Januar inrückt - grod rechtiedich weller nüchdern. Un mien Kartun weir wirklich een Persilkartun wen, mitn Wussband ümrüm !